geguritan

Ngendhikane         simbah  

 dening aparacita

 Ngendhikane simbah dhisik
Bangsa iki gemah ripah loh jinawi
Subur makmur kang sarwa tinandur
Nanging saiki,aku dadi ora percaya 
Apa bener ngendhikane simbah kae 
Bangsa iki sajak wis owah
Akeh wong padha sengsara
Akeh wong padha oleh memala
Banjir bandang,lemah-lemah padha nela
Rasa tepa slira apadene andhap ashor wis sirna
Amung kari ati trenyuh,sedih,lan sengsara
Kang ninggal carita lapa

KARTINI

Dening S.nurhayati ngatiyo

 


Prastawa duh kita

Kang dipengeti saben tanggal selikur april

pancen gawe geter anggugah rasa

moncering kembang mlati sagagang

mekar semarak arum angambar

thukul nyawiji ing satengahing grumbul

eman kagubel adat pingitan

 kapager ruji kurungan wesi

wusana oncat kanthi tangis melas asih

wektu iku langit peteng mendhung nggameng

para wanita angles lemes tanpa daya

urip keranta-ranta kabotan pinjung

kagubel adat pingitan

tan ana keliping lintang pepadhang

amung thathit sacleretan

jalaran KARTINI katimbalan gusti

KARTINI darbe tekad utama

miyak grumbul pepetenging wanita

klawan panggayuh suci

ngudi kamardikaning pawestri